[James Bond]

Isch denn doch e biz witer ewäg. Kum us Bottmige (50 Meter bis zur Gränze vo Basel-Stadt). Dr ...pardon... D Nirazul hets Hus sogar scho vo ganz noch gseh, au wenner nit glaubt het, dassi wirklig döt wohn. Isch am erschte CT gsi, wo mer Holz fürs Füür brucht hän^^

[Munuzi]

@Openairs: Gurte Festival! Isch doch eifach genial dört obe...z beschte isch immr no gsi, wo Züri West u Patent Ochsner ufträte si...kennt die öppr?

lol... aso ehrlich wer kännt de ochsner und züri west bitte ned? de ochsner hani letz johr z st.galle gseh, schlächt esch er nöd au weni söscht nie öpis von em ha wele ghöre oder gseh. zöri west sind easy, eis zwei lieder chamer guet lose... nacher werds kritisch.^^i schänke der mis härz meh hani ned du chasch es ha wede wosch... tralalala

dschwiiz esch wörkli total chli... de goht mer einisch im johr nach olte ond trefft grad en ehemalige arbetskolleg hehe. oder fahrt nome gschnäll met em zog z bade döre ond gseht grad zwoi bekannti am bhf. zuefäll gits...

bin etz au weder retour, fort beni ned wörkli gsi.. aso emmer no innerhalb vo de gränze verblobe. ^^ wer het etz eigentli au no ferie die woche? ond wasi gern mol wösse wet öb studänte au so schuelferie hent we anderi schüeler au?

[Troan]

Isch denn doch e biz witer ewäg. Kum us Bottmige (50 Meter bis zur Gränze vo Basel-Stadt). Dr ...pardon... D Nirazul hets Hus sogar scho vo ganz noch gseh, au wenner nit glaubt het, dassi wirklig döt wohn. Isch am erschte CT gsi, wo mer Holz fürs Füür brucht hän^^

U när heit dr eifach äs paar Dachbauke vo euem hus gno?

@munuzi: Aso i mire klass, kennt Patent Ochsner ke sou...okay, wenn sie d Venus vo Bümpliz ghöre, säge si zwar, das heige si ou scho ghört, das isch au scho aues ^^ Züri West kennt me da scho eher. I schänke dir mis härz het ä zimlech höche Bekanntheitsgrad

Grüess
Troan

[snowspirit]

Sali zämme,
so wies üsgseht gani ans open air gampel und zwar wärent alli täg mit en paar kollege ga zälte. Ich hoffe mal das z'wätter güet isch, bis jetzt hets ja ersch an einem oa gampel kei räge gä. Z'programm isch nit schlächt (link fer der was interessiert)
gitz dä hie eigentli susch no eper üsem wallis????
ich bi zwar kei grosse fusballfan, wellti aber nume gad säge, Sion isch cupsieger!!!

grüess

[Paedygree]

Sion isch cupsieger!!!

Immer diä Patriote

Puh i glaubs nöd. Jetzt ha ich no drüü Täg frei und mer isch LANGWIILIG
Het niemärt es Topic, wo mer s'lebe rettet

[GenerationX]

chasch jo use goh bi mir zumindescht isch es hure schös wetter

han denkt ich chent jo au mol öpis do schribe, han gseh das ihr eu chli über d open airs unterhaltet, ich gang mit es paar kolegä as greenfield, aber ich kenn fasch kei band bis jetzt, aber es letzt joor wäri hure gern gsi det hets jo mega geili bands debi gha, och we gern het ich pennywise gseh

[Troan]

Pah...d bärner Young Boys si ja würklech ä entüschig gsi...eigentlech ha ni ja mit fuessbau nüt am huet, abr bi dem spiu ha ni glych äs paar mau dri gluegt....trurig trurig, was üsi manschaft da gleistet het ^^

[snowspirit]

Ich hä kei einzigi minüta vom cupfinal glüegt, triebe vill lieber sälber sport als züelüege.

Greenfieldfestival het letsch jahr wirklich geniali bands kä, green day wäri hüere gäre ga lose, bi aber genau da ine ferie gsi....

[Applejack]

Salü zäme, so en frag rasch wohnt öppert ide nöchi fu Zug? wo Tuba spilt?^^ oder süscht eifach öppis Musik macht? i die richtig?

MFG
Mercury

[Kuscheltroll]

Asuo ig mäudi mi mau wider ig läbä no.(Unchrut vergeit nid)
Naja viu nöis hani nid z'berichtä. Ig ha nid viu mitbecho wöui entweder irgendwo im Jura bi gsi oder irgendwo in Cyrodiil am Ruinä durchstöberä.
Das mit em Cupfinal isch no öppis gsi woni ha mitbecho aber das wärs o gsi.

P.S

was üsu manschaft da gleistet het ^^

Ah es isch schön hie mau wider bärner z'gseh( oder z'läsä)

[Oehy]

Tuan chunt afaik vo Rorschach.

(het bi üs nö ga an guete ruef das dörfli^^)

jänu
aber ez echt gits a lista wo druf stoht wo alli her kömmand, oder könnt mer mol so eini macha? wer no lustig zum luege

Ah es isch schön hie mau wider bärner z'gseh( oder z'läsä)

verdammt immer so schwer zum lesa

[Applejack]

Es geit, ig finde das Bärner Dialekt nid bzw nümmä so shcwirig da min ganze Clan praktisch us bern chunt^^ am afang hani au uhere müeh gha ^^

MFG
Mercury

[James Bond]

Hehe, mi Unggle (für die wo das baseldütsche nit verschtön: Der Onkel) wohnt au in Rohrschach. Isch sowit ich weiss, au relativ bekannt i däm Dorf^^

[Kuscheltroll]

Der bärner dialäkt isch nid so schwirig und ig hamer chli gendankä zu öinä Läseschwirigkeitä gmacht. Mi lehrer würd sägä es ligi a Pisa aber das vermuätä ig nid würklech. Der Dialäkt isch eifach müehsam zum läsä, da bi gwüssä wörter d'vokal ke richtigi entsprächig im Hochdütschä hei. Mängisch cha es es a oder es e si (U das läsä mir dütlech hüfiger aus dialäkt). zum bischpiub ender oder änder oder enger je nach person schribt mes angers obwous mä schulländlech öppä glich usspricht. (Im Hochdütschä wärs übrigend "eher"). Nidbärner si villecht mit dänä wahlmüglechkeitä nid so vertrout und hei müeh.
Das isch mini theorie aber villecht ligts a öppis angerem. Schribet mau öi vorschleg. (Im Notfaus fäseter eifach aues lut vor de sötteters scho verstah)

[Hollow]

was do hetzt schweizer ech ha gmeint do heigs nor dütschi^^ hoi zäme chome us lozern (för die wos ned könned das send die wo em fussball alli fertig möched^^) FCL

[Paedygree]

was do hetzt schweizer ech ha gmeint do heigs nor dütschi^^ hoi zäme chome us lozern (för die wos ned könned das send die wo em fussball alli fertig möched^^) FCL

Jo, has a de Schriibwiis scho denkt^^. Welcome oder nei, i sägs uf Schwiizerdütsch. Hoi und bis Wilkomm

[snowspirit]

@Kriegsfalke: vo mier eu es welcom üsem wallis
@new topic: ich bi hitte apa z'letschmal no ufe ski gsi, bi es bitz trürig dass die wintersaison scho wider fertig isch. Jetzt wellti ew mal fräge, welli jahreszit ihr dä am beschte findet? D'meischte sind ja immer fer dä summer, wo dä immer so en hüere hitz het, dass nix chasch mache!
Ich liebe eifach där schnee

Grüess

PS. hä bi meditate agfrägt, ob schie mine Benutzername cha ändre, in "snowspirit"

[James Bond]

Wie mi ehemolige Fahrlehrer gsäit het "Dr Summer isch am beschte, do zeige d Fraue ihri Reiz"

Ich bi eher e biz e unzfridene in Sache Johreszite. Im Winter isch es grusig kalt und dr Schnee närvt (zumindescht in dr Stadt). Zum Skifahre isch es natüerlig toll, das machi au gärn.
Im Summer isch es heiss, bsunders wenni wot go schlofe unds so grauevoll warm isch.. Eigentlig hani dr Früelig gärn, do isch es nonig z heiss, und es blüet alles.

[GenerationX]

jo vo de temperatur her isch de früelig und de herbscht am beschte aber im summer chan mä halt schö im rhi go bade goh und das lieb ich e so, winter ishc scho au schö, vom ski fahre her und so, aber stresst mi wennni in nochber ort wot und dur de schnee und chälti mo fahre, aber eigetnlich hend alli joresziite öpis guets drum bini froh das immer schö wechsled

[Troan]

*staub wegpust*
Hehe. Bi im Internet grad über öppis luschtigs gstouperet:

http://www.dialektwoerter.ch/index.html

Si zimlech viu schwizerdütschi wörter drufe...wenn mer üs mau wieder nid verstöh Äs paar wörtli ha ni säuber no nie ghört *g

Gruss
Troan

P.S. James? Bisch dim aute avatar untreu wurde? Pah...mir gfaut dr nöi nid so ^^